لازم ارحل . . دام ليل العيـد ضـاع سراجـه
والأمل غادي . . ونور الصبـح مـا صالحنـي
والفرج . . من دون صرحه . . قافلٍ مزلاجـه
والصبر مفقـود . . وريـاح العتـب تلفحنـي
والفرح نـادى بتكشيـره . . وصـك حجاجـه
كـم بغيـت آمازحـه . . لكـنّ مـا مازحنـي
يقترب . . لكـنَّ لا قـرَّب . . يعـود ادراجـه
ولا غلط في العمر لو مرة . . وجـا وافرحنـي
عشت انا ويـاه . . لا نبعـد . . ولا نتواجـه
حلم عمري يسكـن ارجائـي . . ولا يبرحنـي
لين صار يخيفنـي مثـل البحـر . . وامواجـه
ولين صرت اخطي . . ليا مني بغيت اشرحنـي
ولين صرت بوضع . . صعب اقفز محيط سياجه
مفرداته من وريـدي . . والنغـم مـن لحنـي
قلبي اللي مـا عـرف مدخالـه . . ومخراجـه
حالـفٍ لعذِّبـه . . مــا دام مــا ريحـنـي
طيبتـه متناثـره مـن موجتـه . . لابـراجـه
كلما اخفي شيّ . . بعيـون العـرب يفضحنـي
وإنت يا اللـي قلبـك مخالفنـي . . بْمنهاجـه
إجمع اوجاعي . . ومن ليلـة هَنـاك إطرحنـي
وإضحك لوجه الزمن . . لو لمّعـه . . مكياجـه
واترك امواج القهر تضوينـي . . وتسْرحنـي
هاك قلبي وإزعجه . . لا من بغيـت ازعاجـه
بس اذا لك قلب . . عاتبنـي . . ولا تجرحنـي
خَـل قلبـي ينـدم بْمسـراه . . وبمعـراجـه
والله إن فيصل جلـد الـذات . . تبتذبحـنـي
ذنبي إني اْحكي . . ولا اعرف للحكي . . ديباجه
لين هرجي . . عن مشاوير الرضا . . طوحني
صعب أعالج قلبي اللي . . فات وقـت عْلاجـه
دامني صادق . . بكيفـه . . خلـه يْوضحنـي
إِعرف إن القلب فـي غيبتـك . . زاد خلاجـه
وإن طيفك . . من طلـوع النجمـه يْصبِّحنـي
لو يحطون القمر في راحتـي . . مـا احتاجـه
وإنْ خسرتك . . فاُعْتَبَر خسران . . لو اربحني
هذا أناْ راحل . . وقلبـي مـا خفـاك إنتاجـه
تعرفه . . من غير لا اصارحك . . وتصارحني
بس قبل ارحل . . ترانـي طالبـك فـي حاجـه
طالبك من طيب نفس . . اعذرني . . وْسامحني

(كاتم احزانه)

لو يحطون القمر في راحتـي . . مـا احتاجـه
وإنْ خسرتك . . فاُعْتَبَر خسران . . لو اربحني
هذا أناْ راحل . . وقلبـي مـا خفـاك إنتاجـه
تعرفه . . من غير لا اصارحك . . وتصارحني
بس قبل ارحل . . ترانـي طالبـك فـي حاجـه
طالبك من طيب نفس . . اعذرني . . وْسامحني

رائـــــــــــــع أخوي كاتم احزانه
تقبل مروري وخالص الشكر

صـــــــــح لــســانـــك